Biz haqimizda

Kompaniyaning to’liq nomi: “O`ZNEFTMAHSULOT” aktsiyadorlik kompaniyasi. Qisqartirilgan nomi: “O`ZNEFTMAHSULOT” AK. Pochta manzili va manzilgohi: 100125, O’zbekiston Respublikasi, Toshkent shahri, Akademiklar shaharchasi, Do'rmon yo'li ko'chasi, 143-uy. Rasmiy sayti: www.uzoilproduct.uz

       “O`ZNEFTMAHSULOT” aktsiyadorlik kompaniyasi (keyingi o’rinlarda “Kompaniya”) O’zbekiston Respublikasi Prezidentining 1998 yil 11 dekabrdagi PF-2154-Farmoni, O’zbekiston Respublikasi Vazirlar Mahkamasining 1998 yil 15 dekabrdagi 523-sonli, 2003 yil 19 maydagi 225-sonli, 2003 yil 12 iyundagi 265 –sonli, 2003 yil 21 oktyabrdagi 460-sonli karorlari, O’zbekiston Respublikasi Prezidentining 2006 yil 21 avgustdagi PQ-446-sonli karori, O’zbekiston Respublikasi Vazirlar Mahkamasining 2006 yil 3 noyabrdagi 228-sonli qarori, “O’zbekneftgaz” MXK Boshqaruvining 2003 yil 23 oktyabrdagi 22-sonli qarori, O’zbekiston Respublikasi Davlat mulki qo’mitasining 1999 yil 13 iyuldagi 139k-PO-sonli, 2000 yil 24 iyuldagi 118 k-PO-sonli, 2003 yil 10 iyuldagi 95 k-PO-sonli, 2004 yil 21 apreldagi 56 k-PO-sonli va 2004 yil 6 dekabrdagi 71 k-PO-sonli buyruqlari, “O’zbekneftgaz” MXK Boshqaruvchilar kengashining 2006 yil 8 noyabrdagi 1-sonli qarori, O’zbekiston Respublikasi Davlat mulki qo’mitasining 2007 yil 25 apreldagi 13 k-PO-sonli buyrug’i asosida tashkil etilgan.
       Kompaniya ochiq aktsiyadorlik jamiyati hisoblanib, barcha yuridik va jismoniy shaxslar uning aktsiya egalari (aktsiyadorlari) bo’lishi mumkin.
Kompaniya yuridik shaxs hisoblanib, mustaqil balansida hisoblanadigan o’ziga tegishli alohida mulkka ega.
       Aktsiyadorlarning Umumiy majlisi, Kuzatuv kengashi va Direktsiya Kompaniyaning boshqaruv organlari hisoblanadi.
Kompaniya Kuzatuv kengashi bir yil muddatga saylanadigan 7 (etti) nafar a’zo iborat.

“O`ZNEFTMAHSULOT” AK kuzatuv kengashi a’zolari haqida ma'lumot

T/R	F.I.O.	Ish joyi va lavozimi
1	Ismoilov Jahongir G’ofurovich	«O’zbekneftegaz» MXK raisi o’rinbosari
2	Aminov Rinat Albertovich	«O’zbekneftegaz» MXK boshqarma boshlig’i
3	Evtushenko Olga Nikolayevna	«O’zbekneftegaz» MXK bosh mutaxassisi
4	Soldatova yelena Mixaylovna	«O’zbekneftegaz» MXK bosh mutaxassisi
5	Ponomareva Leyla Djabi qizi	«O’zbekneftegaz» MXK bosh mutaxassisi
6	Zakriyayev Ilxom Muzaffarovich	O’zR DMQ bo’lim boshlig’i
7	Xan Viktoriya Eleksovna	O’zR DMQ bosh mutaxassisi

       Kompaniya Kuzatuv kengashi a’zolarining bir vaqtda Kompaniya tarkibida mehnat shartnomasi (kontrakti) bo’yicha faoliyat ko’rsatishlariga yo’l qo’yilmaydi.
      Kompaniyaning ijroiya organi - Kompaniya Direktsiyasidir.
Kompaniya Direktsiyasining vakolatiga, aktsiyadorlar Umumiy yig’ilishi va Kompaniya Kuzatuv kengashining mutlaq vakolatlariga kiritilgan masalalardan tashqari, Kompaniyaning kundalik faoliyatiga rahbarlik qilishga doir barcha masalalari kiradi.
       Kompaniya Direktsiyasi aktsiyadorlar Umumiy majlisi va Kuzatuv kengashi qarorlari ijrosini tashkil etadi.
       Kompaniya tarkibiga kirgan unitar korxonalar va «Tasis - O’quv» markazi (filiallardan tashqari) yuridik shaxslar hisoblanib, o’z faoliyatini Kompaniya Ustav jamg’armasiga berilgan davlat mulkini xo’jalik jihatidan boshqarish asosida yuritadi.
Kompaniya faoliyatining asosiy vazifalari va yo’nalishlari quyidagilardan iborat:
- uglevodorod xomashyosini (neft va gaz kondensatini) qayta ishlab, O’zbekiston Respublikasi xalq xo’jaligi majmuini va aholisini neft mahsulotlari bilan uzluksiz ta’minlash uchun yetarli miqdor va turdagi neft va gaz mahsulotlari ishlab chiqarish;
- neft mahsulotlari va suyultirilgan gazni taqsimlov rejasiga binoan, shu jumladan tranzit orqali, belgilangan tartibda yetkazib berish to’g’risida shartnomalar tuzish, ularning tuzilishi va bajarilishi ustidan monitoring olib borish;
- chet ellik investorlarni jalb etgan holda O’zbekiston Respublikasi xududida va horijda qo’shma korxona hamda ishlab chiqarishlar tashkil etish va ularni rivojlantirish;
- tizimni rivojlantirishning ustuvor muammolarini hal qilishga qaratilgan ilg’or, ilmiy-texnikaviy va investitsion siyosatni olib borish, neft mahsulotlari, gazni ishlab chiqarish, tashish, saqlash va tarqatish jarayonlarida yangi texnika va texnologiyalarni qo’llash, neft mahsulotlari va gazning miqdor va sifat jihatidan saqlanishini, yong’in xavfsizligi va xavfsizlik texnikasi, ekologiya talablariga rioya qilinishini ta’minlash, avtomatlashtirilgan boshqaruv tizimlarini tashkil qilish;
- tashqi iqtisodiy faoliyat bilan shug’ullanish;
- ishlab chiqarish, tijorat va ilmiy-texnik faoliyatga sarmoyalar solish;
- kompaniya qatnashchilari bo’lmish mehnat jamoalarining ilmiy-texnik yechimlari, mahsulotlarni standartlash va unifikatsiyalash, ishlab chiqarish ekologiyasi hamda ijtimoiy dasturlari borasidagi strategiya va taktikalarini shakllantirish;
- ishlab chiqarish samaradorligining oshirilishini hamda mahsulot va xizmatlarning ichki va tashqi bozorda raqobatbardoshligining oshirilishini ta’minlash;
- neftni qayta ishlash zavodlari, unitar korxonalar va ularning filiallari,        AYoQSh va KAYoQShlarda mehnat va atrof-muhit muhofazasi, xavfsizlik texnikasi va yong’in xavfsizligi ishlarini tashkil etish;        “O`zneftmahsulot” AK xodimlarini sinchiklab tanlash, joy-joyiga qo’yish, o’qitish, qayta tayyorlash va ularning malakalarini oshirib borish.
Kompaniya o’z xo’jalik faoliyatini daromad olish, aktsiyadorlar va mehnat jamoalarining moddiy hamda ijtimoiy ehtiyojlarini qondirish maqsadida xo’jalik hisobi va o’zini-o’zi mablag’ bilan ta’minlash printsiplari asosida yuritadi.
       O’zbekiston Respublikasi Prezidentining 2006 yil 21 avgustdagi 446-qarori, O’zbekiston Respublikasi Vazirlar Mahkamasining 2006 yil 3 noyabrdagi 228-sonli qaroriga binoan kompaniya tarkibiga quyidagilar kiradi: “O`zneftmahsulot” AK markaziy apparati, 2 ta neftni qayta ishlash zavodi (Farg’ona va Buxoro neftni qayta ishlash zavodlari), 23 ta neft baza (yuridik shaxslar), 43 ta filial, AYoQShlar, 6 ta kompleks avtoservis punkti, 2 ta ochiq aktsiyadorlik jamiyati – “Neftta’minot” OAJ va “Koson” OAJ va 1 ta o’quv markazi (“Tasis-o’quv” markazi, Toshkent. sh.).